Лидерот на ВМРО-ДПМНЕ, Христијан Мицкоски, по триумфалниот изборен ден ги упати првите пораки како мандатар за состав на новата македонска влада.
„Нашата цел е да се гордеете со новата влада. За брзо време ќе почнеме преговори за формирање на најдобрата влада од осамостојувањртѕо на Македонија. Ни треба култура на повисоко ниво, каде пто партиите треба да се почитубваат. Ова е двојна победа, коалицијата ‘Твоја Македонија’ и ВМРО-ДПМНЕ добија и претседател – Гордана Силјановска-Давкова, чија цел е Македонија да ја направи повторно горда. Познавајќи ја, знам дека професорката ќе успее во тоа.
Посакувам власта во заминување да научи од грешките. Посакувам да замине во мир. На оваа земја ѝ е потребна силна опозиција. Ќе разговарам со секој од вас кој мисли добро за Македонија. нема да ги затворам вратите како што правевте вие седум години.
Ги повикувам граѓаните да прославиме на сите плоштади во Македонија, а од утре на работа и веќе претппладне ќе го одржам првиот состанок, на кој ќе ги утврдиме принципите за формирање на новата влада“, рече Мицкоски во обраќањето.
