Бојкотот на претседателските избори кои го заговараат две партии може да успее ако се смени трендот во излезноста.
Според досегашните резултати Македонија може да не добие вечерва претседател ако двете партии од кои една е опозициска успеат да го намалат процентот на излезност до 19 часот под бараните 40 проценти.
Од вкупно запишани 1.261.526 гласачи на овие избирачки места, до 13 часот за претседател гласале 302.158 односно 23.95 %.
Најголема излезеност во моментов, за Претседателските избори има во Крива Паланка, со 46.44 %. Најмалата излезеност за претседателските избори е во Липково, со 3.28 %.
Споредбено со вториот куг од Претседателските избори во 2019 година имаме зголемување на излезеноста од 3.49% на овие избори. Додека споредбено со првиот круг од Претседателските избори 2024 имаме намалување од 0.7%.
До 13 часот пристигнати се податоци за излезеност на гласачите за Парламентарните избори од 2348 избирачки места. Од вкупно запишани 1.207.922 гласачи на овие избирачки места, гласале 312.070 односно 25.84%.
Најголема излезеност во моментов, за парламентарните избори има во Кривогаштани, со 48.65 %. Најмалата излезеност за парламентарните избори е во Маврово и Ростуше, со 11.91 %.
Споредбено со Парламентарните избори во 2020 година имаме зголемување на излезеноста од 2.03 % на овие избори.
Излезеноста по изборни единици за парламентарните избори е следна:
Изборна единица 1 31.18 %
Изборна единица 2 23.91 %
Изборна единица 3 29.18 %
Изборна единица 4 26.40 %
Изборна единица 5 25.04 %
Изборна Единица 6 16.71 %
До овој момент до ДИК се доставени вкупно 313 приговори за заштита на личното избирачко право. Од нив 105 приговори се усвоени и на избирачите им е овозможено да го остварат своето право на глас, 9 приговори се отфрлени како неуредни, а 40 приговори се одбиени. Останатите приговори се во обработка.
Овој изборен ден го набљудуваат 1303 домашни набљудувачи, 860 меѓународни набљудувачи и 83 странски новинари.
Активен е и бесплатниот телефонски број 0800 555 44, на кој заинтересираните граѓани можат да постават прашање или да пријават неправилности до Државната изборна комисија.
Исто така активна е и видео кол линијата на број 076 488 360 преку која граѓаните со оштетен слух и говор ќе можат во текот на изборниот ден преку видео повик да постават прашање до Државната изборна комисија и да добијат одговор на знаковен јазик, информираат од ДРЖАВНАТА ИЗБОРНА КОМИСИЈА.
