Полицијата по налог на обвинителството вечерва врши претрес во фирма која има лиценца за производство на марихуана која поседува нива во Битола, брифираат извори во истрагата.
Фирмата е регистрирана на 25.09.2017-та година. Како сопственици се јавуваат Т. Г., српскиот државјанин С. И., П.П. и организацијата ССЗРИ ЛТД.
Фирмата е формирана во септември 2017 година само 3 месеци по доаѓање на власта на СДСМ а одлуката за давање согласност на Решението за давање на одобрение за одгледување на коноп за медицински цели на Друштво за производство, трговија и услуги со број 197/2017 е од 29.12.2017 а
влегува во сила на 30.12.2017 еден ден пред нова година.
Одобрението за одгледување на марихуана за битолската форма е дадено од ВЛАДА НА РЕПУБЛИКА СЕВЕРНА МАКЕДОНИЈА врз основа на ЗАКОН ЗА КОНТРОЛА НА ОПОЈНИ ДРОГИ И ПСИХОТРОПНИ Супстанции.
Засега нема потврда дали претресот во просториите на сопствениците на битолската фирма е поврзан со заплената на 200 килограми марихуана или се работи за друг сомнителен случај.
