Дали луѓе од врвот на власта дојавиле на кланот Грчец да се бега пред акцијата на МВР. Ова незгодно прашање до СДСМ и ДУИ го поставува ВМРО-ДПМНЕ откако дури десет од 16 осомничени за убиства и трговија со дрога избегаа од полицијата.
Дали привезокот на ДУИ, СДС под налог на својот стопан им дојавил на 10-те лица да ја напуштат државата, е конкретното прашање од опозицијата од каде посочуваат на повеќе фотографии на кои се гледа дека шефот и членови на криминалната банда се сликале со првите двајца луѓе во државата.
,,Шеваљ Муареми кој сега сe наоѓа во бегство, а кој е првоосомничен може да се забележи во друштво со Талат Џафери, човекот кој треба да биде технички премиер.
Починатиот Орхан Бајрами Оки кој исто така според објавеното во медиумите бил дел од групата што беше во друштво на Пендаровски.
Оливер Спасовски, кој чекаше последен ден да спроведе акција која требаше да ја направи пред 6 години, седеше по кафеани со истите лица.
Дали седенките со мафијашите се причината заради кои СДС и ДУИ ги засолнија 10-тината лица дел од нарко картелот Грчец?
Кога мафијата ќе ја преземе државата, тоа изгледа како Македонија под СДС и ДУИ. Никогаш не било полошо. Важно е да ги поразиме”, стои во реакцијата на Центарот за комуникации на ВМРО-ДПМНЕ.
