Шефот на комисијата за надворешна политика во Собранието Антонио Милошоски му порачува на министерот за надворешни работи Бујар Османи дека има двојни стандарди за руските енергенси кога станува збор за граѓаните и за неговите сопартијци и колеги од владата.
,,За министерот Бујар Османи од ДУИ голем проблем е кога граѓаните за 500 денари точат скапа нафта на Лукоил, но кога се големи пари во прашање ДУИ немаат проблем, па затоа нивниот Уљуси Бекири (директор на Агенцијата за задолжителни нафтени резерви) купува голема количина на нафта од Лукоил, за што пред неколку дена им исплатил 500.000 евра❗ Каква хипокризија”, пишува Милошоски откако Османи пред десетина дена индиректно ги обвини граѓаните дека со купување бензини од руската компанија Лук Оил ги поддржуваат Путин и руската агресија на Украина.
