Стевчо Јакимовски, еден од тројцата актуелни градоначалници кои се кандидираа за претседател на државата, не успеа да обезбеди победа ни во Општина Карпош.
За разлика од Максим Димитриевски во Куманово и Арбен Таравари во Гостивар, Стевчо Јакимовски во Карпош освои само шест проценти од гласовите и пласман на 5-то место.
Градоначалникот на Карпош кој беше претседателски кандидат на ГРОМ освои само 6 проценти или 2.143 од гласовите во оваа општина, каде дури четворица кандидати за претседател имаа повеќе гласови од него, меѓу кои Ванковска со 3.089 гласа и Димитриевски со 3.974.
Тој вкупно освои само 8.013 гласови, што е помалку гласови од бројот на потписи за претседателска кандидатура, зад која му се потпишаа 10.000 граѓани.
