Независната новинска агенција „Новаја Газета“-Европа објави дека Рамзан Кадиров, моќниот чеченски лидер, живее со потенцијално фатална болест повеќе од пет години, а сега се вели дека неговата состојба брзо се влошува.
Агенцијата соопшти дека Кадиров неколку пати бил хоспитализиран поради наводна некроза на панкреасот, иако неговиот и Кремљ ПР се обидуваат да го прикријат тоа.
Ова го наметнува прашањето што ќе се случи со Чеченија по Кадиров?
Весникот наведува и дека Кремљ веќе има свој „миленик“ кого го гледа како заменик на Кадиров, а тоа е генерал-мајор Аптиј Алаудинов, командант на воената единица „Ахмат“ која се бори на фронтот во Украина.
Абубакар Јангулбаев, чеченски адвокат и активист за човекови права, вели дека Алаудинов, претседателот на чеченскиот парламент Магомед Даудов или децата на Кадиров се сметаат за наследници на Рамзан Кадиров во Чеченија.
Тој смета дека на Кадиров му преостанува уште околу една година и дека истрагата на „Новаја Газета“ не го изненадила.
„…не очекувам никакви промени во моментов“, рече Јангулбаев на прашањето дали ненадејната смрт на Кадиров може да ја доведе Чеченија во превирања.
