Низ галерија со фотографии, ви пренесуваме дел од атмосферата на настанот „Жива библиотека“ кој вчера се одржа во Скопје во организација на Асоцијацијата на советници за развој на кариера Скопје, а под покровителство на Вишеградскиот фонд.

Впечатоците на посетителите, како и на „живите книги„ се дека ова е еден многу интересен и уникатен настан на кој доаѓа до израз интимниот и искрен разговор, личното поврзување и учење од искуствата на реални личности кои имаат своја приказна.

Прекрасни муабети, инспиративни приказни, вмрежување, поврзување и нови искуства така дел од учесниците го опишаа вчерашниот настан на кој беа присутни 10-те „живи книги“ кои неуморно раскажуваа за гејмерството, за животот со церебрална парализа, за поддршката и препознавањето на формите на насилство врз жени и деца, за филантропијата, за одгледувањето на храна во општествена градина, за необичниот спорт наречен гимнастика на коњ, за новите начини за наоѓање пракса и работа и за женската истрајност и борба со различните животни предизвици.

Како што најавија организаторите, наесен се планира уште еден ваков онлајн настан на кој ќе бидат присутни „живи книги“ од сите 8 земји учеснички во проектот „Жива библиотека“.