Војната, пченката и пченицата: Кризата за храна следува поради посевите кои сега не се засадени
Оваа недела ММФ објави извештај во кој се наведува дека конфликтот во Украина може „фундаментално да го промени глобалниот економски поредок“.
Веќе на сите им е јасно дека оваа ситуација ќе има далекусежни последици, но да ги погледнеме деталите.
Во извештајот се вели дека ќе има глобално забавување на економскиот раст и дополнително зголемување на инфлацијата.
Исто така, веќе се очекуваат предупредувања дека расте неизвесноста кај инвеститорите и дека тоа може да предизвика одлив на капитал од т.н. пазари во развој.
Во превод – најпогодени ќе бидат посиромашните земји.
„Овој конфликт е голем удар за глобалната економија што ќе му наштети на растот и ќе ги зголеми цените“, се вели во извештајот.
Исто така, се забележува дека најтешко ќе бидат погодени земјите кои се најмногу изложени на овој конфликт во однос на трговијата и финансиите (во превод: земјите кои се доста зависни од увоз/извоз во Русија и Украина, на пример во набавката на храна…).
Исто така, се наведува дека постои зголемен ризик од конфликти во овие региони: Субсахарска Африка, Латинска Америка, Кавказ и Централна Азија.
Разбирливо е дека земјите кои набавуваат најголемо количество храна од двете конфликтни земји се изложени на најголем ризик.
На пример, еден Египет може да очекува значителна криза, бидејќи дури 80% од пченицата се увезува од Русија и Украина.
На долг рок, се вели, „војната би можела фундаментално да го промени глобалниот економски и геополитички поредок ако се промени трговијата со енергија, се реконфигурираат синџирите на снабдување, се фрагментираат мрежите за плаќање и ако земјите ги ревидираат девизните резерви“.
За Украина и Русија се предвидува длабока рецесија бидејќи цела Европа е во опасност да биде прекината од снабдувањето со гас.
Линк до целиот текст.
