Во Скопје на оперативците на МВР им биле потребни само неколку часа да уапсат трговец со дрога и веднаш да му поднесат соодветна кривична пријава.
Како е можно во Струмица 33 дена МВР, обвинотелството и судот да молчат за кражба на дрога вредна 18 милиони евра а во Скопје за 3,3 часа да биде ,,спакуван” дилер на дрога за 600 илјади евра никому не е јасно.
Иако во Струмица настанот се случил во првата половина на декември МВР, обвинителството и Судот се уште не сакаат да поднесат соодветни пријави ниту да ги обезбедат доказите за украдената дрога тешка речиси 2 тони и вредна меѓу 6 и 18 милиони евра.
За разлика од Струмица каде дел од актерите во криминалот се функционери на една партија на власт и полициски и правосудни органи блиски на власта во Скопје криминалецот е веднаш фатен и процесиран.
Во Струмица сите инволвирани во молкот мислат дека можат да се спасат за непреземените службени чекори кои можат да ги однесат во затвор.
Претреси во Скопје, лишен од слобода дилер на дрога, ќе биде запленет имот вреден над 600.000 евра, пишува во своето денешно соопштение за настанот во Скопје додека за настанот во Струмица се уште нема никаква информација и по 33 дена од пријавената кражба на дрогата вредна милиони евра.
Повеќе детали за криминалот во Струмица
Одделот за криминалистичка полиција – Сектор за недозволена трговија со дрога, оружје и опасни материјали заедно со СВР Скопје – Единица за недозволена трговија со дрога, САЕ Тигар и Одделот за сузбивање на организиран и сериозен криминал, по насоки од јавен обвинител од Основното јавно обвинителство Скопје спроведоа криминалистичко истражување од септември 2023 до јануари 2024 година за Р.К. (45) од Скопје, кој претходно бил осуден и издржал казна затвор од 15 години за продажба на дрога.
Во текот на истрагата обезбедени се материјални докази и утврдено е дека Р.К. набавувал кокаин, хероин и марихуана и потоа ги препакувал и ги препродавал по цена од 3000 денари за пакување кокаин, од 600 до 1000 денари за пакување хероин и 600 денари за пакување марихуана. Во текот на истрагата обезбедени се докази дека Р.К. продавал дрога на поголем број лица.
На 14.01.2024 во координација со САЕ Тигар во населбата Гази Баба во Скопје извршени се претреси на три локации. При претресите се пронајдени кокаин, три дигитални ваги и др., а во деловниот објект се пронајдени 21 компјутери со монитори и гејмерска опрема, разновидна компјутерска опрема вредна околу 120.000 евра, за кои постои сомнение дека се купени од парите од продажба на дрога.
По приемот на кривичната пријава, во текот на утрешниот ден, Основното јавно обвинителство Скопје ќе донесе Наредба за спроведување истражна постапка против осомничениот за кривично дело – Неовластено производство и пуштање во промет наркотични дроги психотропни супстанции и прекурсори од член 215 од Кривичниот законик. До Основниот кривичен суд Скопје ќе биде доставен предлог за определување мерка притвор за осомниченото лице.
Во текот на постапката, против осомничениот ќе биде спроведена и финансиска истрага. Доколку се потврдат сомненијата дека пронајдената опрема, превозни средства и недвижниот имот се стекнати со финансиски средства остварени со продажба на наркотична дрога, Јавното обвинителство ќе поведе постапка за конфискација, во согласност со законските одредби, стои во соопштението на МВР.
