За разлика од Македонија каде државата преку обвинителството прогонува клиники и лекари за иста метода во Србија се набавува апарат за хемофилтрација, спирометар, апарат за неинвазивна вентилација со вредност од 2 милиони динари или околу 32 илјади евра.
Секретаријатот за здравство на Белград обезбедил 2 милиони динари за набавка на апарат за хемофилтрација, спирометар, апарат за неинвазивна вентилација и монитор за Универзитетскиот клинички центар „Д-р Драгиша Мишовиќ – Дедиње“, објави „Беоинфо“.
– Апаратот за хемофилтрација е набавен за потребите на Клиниката за анестезиологија со реанимација. Неопходно е за заместителна терапија на бубрежната функција кај пациенти со тешко оштетување на оваа функција, како и во случаи на сепса, акутен панкреатит и други. Употребата на овој апарат денес е апсолутен стандард во лекувањето на критично болните пациенти – изјави градскиот секретар за здравство, д-р Зоран Благојевиќ.
Апаратите за неинвазивна вентилација овозможуваат вештачка вентилација во одделенијата за интензивна нега, без потреба од дополнително вклучување на тимови за анестезиологија, што ја прави работата многу полесна, побрза и поевтина. Сè поголем е бројот на пациенти на пулмологија со пореметување на дишењето за време на спиењето, а тоа е препорачаниот метод за вештачка вентилација.
Лекарите на КБЦ „Д-р Драгиша Мишовиќ“ на Дедиње се целосно обучени за ракување со апаратот за неинвазивна вентилација и поседуваат соодветни потврди.
За кардиолошкото одделение на КБЦ „Д-р Драгиша Мишовиќ“ ќе се набават два монитори за хоспитализирани пациенти. Со нивното купување значително ќе се подобри дијагностиката и следењето на здравствената состојба на пациентите, објавуваат српските медиуми.
Во меѓувреме во Македонија продолжува прогонот на лекарот и клиниката Жан Митрев за давање услуги за хемофилтрација.
Под влијание на политички фактори и медиуми поврзани со политички фактори обвинителството почнува да го гони Жан Митрев во време кога домашни политичари со странски партнери сакале да ја купат клиниката која сега е предмет на судски процес.
Од (не)јасни причини обвинителството го гони Жан Митрев а не ја гони државната клиника за Кардиохирургија која исто така давала услуги за хемофилтрација на повеќе од 200 пациенти од кои голем број умереле.
