ВМРО-ДПМНЕ со 200 амандмани за буџетот за 2022 година

Координаторот на ВМРО-ДПМНЕ, Никола Мицевски за Телма потврди дека најголемата опозициска партија во Македонија ќе поднесе 200 амандмани за нацрт-буџетот за 2022, кој ќе изнесува рекордни 4,43 милијарди евра.

– ВМРО-ДПМНе нема намера да го блокира овој важен документ, како што никогаш не го блокирала. Ќе поднесеме околу 200 амандмани, рече Мицевски.

Амандманите ќе се однесуваат на чистиот воздух, животна средина, енергетика, капитални инвестиции и други прашања.

Според роковите, собраниската комисија расправа 10 дена, а за пленарна расправа се одредени пет дена.

Расправата започнува утре, а буџетот треба да се донесе до крајот на годината.