Вицепоремиерот за економски прашања, Фатмир Битиќи, вели дека бесплатни ПЦР-тестови за странски туристи е економска мерка, додека тоа што домашните граѓани по своја иницијатива мора да ги платат е дел од здравствената криза со пандемијата.
„Кога носите економска мерка вие треба да станете конкурентен во целиот Западен Балкан, но и на светско ниво. Размислуваме на воведување на меѓународно признатиот safety travel, што ќе значи дека кај нас е безбедно да се патува, дека има протоколи. Тоа го правиме со стопанските комори. ПЦР-тестовите за странците нема да се прават во приватните лаборатории, туку во оние во јавното здравство, што значи дека јас нема да дозволам на некому да креирам пазар со пари од граѓаните“, рече Битиќи оретпладнево во емисијата „Утрински брифинг“
Владата на последната седница одлучи државата да им сноси трошоците за ПЦР-тестови на странските туристи, кои до крајот на годинава ќе одлучат да ја посетат земјата и со тоа да се поттикне туризмот во претстојната летна сезона.
Домашните граѓани доколку по своја иницијатива сакаат да направат антиковид тест мора да го платат.
