Видео од битката на македонските пилоти со пожарот во Дебарско

Жители на околните села снимиле видео од хеликоптерите на АРМ во акција за гасење пожар над селата Могорче и Горно Мелничани, Дебарско.



Огнот на планината Стогово во кој изгореа десетици хектари дабова шума започна завчера попладне а од утрово во неговото гасење се вклучија два хеликоптери на АРМ чии пилоти полнат вода од Дебарското езеро.

За да дојдат до реонот меѓу селата Могорче и Горно Мелничани каде е лоциран пожарот хеликоптерите минуваат над селата Папрадник, Долно Мелничани, Горенци, Баланци и Пареши.

Повеќе доброволци од овие села од почетокот на огнот понудиле да се вклучат во гаснењето на пожарот на жителите на Могорче но поради недостапноста и тешкиот терен сега пожарот се гаси со хеликоптери на АРМ.

Пожарот не е иминентна опасноста за околните села и во него нема жртви но поради силните планински ветрови постои опасност доколку не биде згаснат тој може да се прошири на поголема површина и да загрози и населени места.

Завчера во близина на пожарот биле приведени двајца странски и 6 македонски државјани кои ги испитува јавното обвинителство.

Целото видео на овој ЛИНК