Управата за јавни приходи објави оглас за продажба на движен и недвижен имот. Се продаваат автомобили од марките Мерцедес, Фиат, Сеат, Форд и Фолксваген, но на списокот се и ниви, деловни простории, подземни гаражи, телевизории и уметнички слики.
Електронската аукција е закажана за 27 август, дознава 24 Инфо.
Според УЈП, на наддавањето може да учествуваат само лица кои успешно ќе се регистрираат и ќе уплатат депозит во висина од 10 од утврдената вредност на она што сакаат да го купат, најдоцна до 17 август.