Соочени со губење на своите позиции во владата лидерот на Алтернатива Гаши и лидери на Огнената група во ДУИ Изет Меџити прават обид да гипремислат Ковачевски и Ахмети да ја примат Алијанса во Владата.

За таа цел овие две групации деновиве имале тајна средба за која денеска брифираат извори во двете групи со цел на Ковачевски и на Ахмети да им порачаат дека може да ја урнат владата ако не им бидат испочитувани позициите.

Од извори во Алтернатива и ,,Огнените” се дознаваме дека, за време на викендот, генералниот секретар на Алтернатива, Зеќирија Ибрахими, остварил средба со потпретседателот на ДУИ, Изет Меџити.

Тема на оваа средба беше состојбата со парламентарното мнозинство и промените што може да настанат со вклучувањето на Алијанса за Албанците во Владата на Република Северна Македонија.

Во оваа прилика, Ибрахими повторил дека ако вклучувањето на АА не е заради создавање на бројката од 80 пратеници за неопходните уставни измени, тогаш ова има смисла само за да се спаси политичкиот живот на партијата која има губење на пратеници, алудирајќи на ДУИ.

И Изет Меџити истакнал дека Артан Груби инсистира на вклучување на АА во Владата со цел да го спречи различното мислење од него и од неговите истомисленици во ДУИ. Според него, политичката кариера на Груби денес зависи од тоа дали Арбен Таравари ќе го спаси или не.

Според брифингот од Алтернатива и Огнените ,,веќе е јасно дека Алтернатива не е спремна да прави нови компромиси од договорот Заев-Гаши во 2021 година, така што политичките настани сè повеќе се усложнуваат. Кога на ова ќе се додадат и несогласувањата на поранешниот премиер Заев со актуелниот лидер на СДСМ околу идејата за влада на СДСМ-ВМРО, секогаш имајќи го предвид неговото влијание врз актуелните пратеници на СДСМ, се зголемува можноста, дури и ако Алијанса за Албанците прифати да стане дел од Владата, тоа да не биде доволно за да се формира потребното мнозинство во Парламентот и земјата да оди на избори”.