Пратеникот Иван Стоилковиќ најави поддршка од Демократската партија на Србите во Македонија (ДПСМ), чиј лидер е, за референдумот за Договорот за пријателство, добрососедство и соработка со Бугарија што ќе го организира опозицијата на чело со ВМРО-ДПМНЕ.
„Преспанскиот договор е само врв на ледениот брег, Договорот со Бугарија ќе произведе потешки и посериозни последици и ќе доведе до состојба на современ етноцид на македонскиот народ, македонскиот јазик и македонската држава”.
Така говорев кон крајот на 2017 и во почетокот на 2018 година. И ако уште тогаш предупредував какво зло носи за македонската држава и народ Договорот со Бугарија, се надевам дека на никој нема да му падне на памет да ми спори дека и по толку време имам право не само на сатисфакција, туку и на чувство на кредибилитет пред македонската јавност да соопштам дека не само лично, туку и со одлука на партиските органи, апсолутно ќе ја поддржиме иницијативата да се организира референдум ЗА ПОНИШТУВАЊЕ на Договорот со Бугарија.
1.Жал ми е што веднаш може да забележам дека еден дел од тогашните истомисленици не сум сигурен која ‘мака’ ги натерала да ја променат страната, но можеби е добро што е така, затоа што продадените души мора кога тогаш како г…. да испливаат на површина и не е добро со таквите да сме во исто друштво.
2. Оние што тврдат дека е глупаво прашањето за распишувањето на референдумот, без оглед на нивното образование, би требало да знаат дека подобро е Собранието да распише референдум за закон кој е донесен во Собранието (Закон за ратификација на договорот со Бугарија) отколку за која било друга импровизација која би се однесувала на акти кои не ги донело Собранието.
3. Референдумот е препорачлив затоа што ќе ја разбранува вештачки креираната жабокречина во политичкиот живот и ќе внесе нова енергија кај сè повеќе зомбираното граѓанство.
4. Испитувањата на јавното мислење кои говорат дека од осум Македонци само еден би ги прифатил последиците предизвикани од договорот со Бугарија се императив за опозицијата да поентира стопроцентно, од сите аспекти.
5. Опозицијата треба да биде власт за да може да го поништи договорот со Бугарија, иако таа веќе и го потенцираше тоа во неколку наврати, а со референдумот дефинитивно тоа и го презема како обврска.
6. Можеби би било најдобро, бидејќи некако и референдумските рокови кореспондираат со можни вонредни избори, тие да се случат истовремено, бидејќи на тој начин најдобро ќе биде отсликана волјата на македонските граѓани визави Договорот со Бугарија и неговите последици.
7. Иницијативата и пристапот на опозицијата во однос на формулацијата на референдумското прашање, кој значи конечно напуштање на негативистичкиот пристат кон проблемите со кои се соочуваат државата и граѓаните и отворање на позитивистичкиот пристап, замена на НЕ со ДА, ќе се преточи во отворање на нова надеж за македонските граѓани.
8. На референдумот граѓаните ќе имаат прашање кое не е манипулативно и подложно на толкувања, што значи чесен пристап кон граѓаните, но во исто време и можност за едноставен и разбирлив одговор, а со тоа и разбирање на последиците од нивното изјаснување.
9. Да ги потсетам оние кои однапред почнаа кампања против референдумот, ова се однесува на оние кои бараат влакно во јајцето, дека може да им се случи да најдат неколку влакна, но тие на крајот ќе може да им послужат само да ‘преду вуну, драгоме за гуњу’.
10. И на крајот, не бидете корисни идиоти во жестоката камања, која почна уште пред референдумот, против опозицијата и нејзиниот предводник Христијан Мицкоски. Таквата кампања само укажува дека нема договор на Мицкоски со мафијашките структури за нивна амнестија. #ZА“, објави Стоилковиќ на Фејсбук.
