Шпекулациите во јавноста за туби со бензин, пиротехника и така натаму само штетат на истрагата, не помагаат. Според моите сознанија, воопшто не станува збор за туби со бензин коишто можат да бидат причина за несреќата, истакна министерот за внатрешни работи Оливер Спасовски во изјава за бугарската БТВ.

Тој додаде дека им верува на истражните органи на Бугарија.

– Оставаме истрагата да ги утврди сите факти и секако најрелеватните податоци треба да дојдат од државните органи на Бугарија. Ние треба да ја утврдиме причината за сообраќајната незгода, дали е тоа од човечки фактор или е некаков технички пропуст на возилото, наведе Спасовски.

Министерот посочи дека Царинската управа од вчера презема активности во однос на расчистување на постапките, при што двајца цариници се суспендирани и спроведена е дисциплинска одговорност за раководителот.

– Потребна е детална истрага и кривична одговорност за секој еден кој учествувал во вакви дејствија, додава Спасовски.