Германскиот канцелар Олаф Шолц објави видео обраќање во кое зборува за политиката на Берлин кон Русија и војната во Украина, пренесуваат медиуми.
Приоритет на властите, според Шолц, останува безбедноста на Германија.
„Нашата цел е јасна – Русија не смее да може да ги прошири своите граници со употреба на сила“, рече тој, додавајќи дека Германците сакаат „мир во Европа и војната да не се приближи (до границите на Германија)“.
Според канцеларот, надворешната политика на Германија се заснова на три принципи
- хуманитарна, финансиска и воено-техничка поддршка за Украина;
- спречување на конфликтот да ескалира во војна меѓу Русија и НАТО;
- тесна координација на сите акции со сојузниците и партнерите предводени од САД.
