Селфи направено од тренерот Бранислав Ангеловски ја овековечи радоста на членовите на машката ракометна репрезентација на Македонија до 18 години по освојувањето на ЕХФ-шампионатот во Летонија со триумфот над Швајцарија од 24:22 во финалето во Рига.
„Црвено-жолтите“ славеа и на претходните четири натпревари на првенството, и тоа двоцифрено, прво со 34:19 над Турција, 39:16 против Косово и 33:23 во дуелот со домаќинот Летонија, а во полуфиналето беа подобри од Луксембург со 32:22.
Првото место им донесе не само пласман во А-дивизијата, туку и учество на Светското првенство 2023 до 19 години и на Европското првенство 2024 до 20 години.
