Членот на президиумот на Левица со луцидна анализа на состојбите во кои западна Македонија.
Екс активистот на Шарената револуција тврди дека Македонија допрва ќе се соочи со демократски дефицит затоа што западот ќе му дозволи на Заев да крши процедури и закони ако ја заврши зададената задача.
Пишува Здравко Савевски
Да се разбереме, Заев не го потпиша договорот со Ципрас поради некоја определба за соживот на балканските народи. Гајле му е нему што после тоа омразата помеѓу Македонците и Грците се зголеми.
Не го направи тоа ниту поради убеденост дека НАТО ќе донесело поголеми инвестиции или ќе се подобрела безбедноста. Дотолку барем ги разбира работите.
Го направи сето ова, зашто му дадоа задача од САД да ја заврши за тие да ја остварат својата геостратешка цел во борбата за превласт со Русија и да ја убутаат Македонија во НАТО.
Е сега, не наивно, претерано наивно е да се очекува дека Заев заради ништо ги послуша своите империјални газди. Добриот вазал не се менува и до крај се поддржува. Се знае како оди дилот на вазалите со империјалните господари: вазалот го слуша господарот, а за возврат тој му дава одврзани раце да ја употребува и злоупотребува власта за своја лична корист. Толку, бре, случаи за ова има во светот, срамота е да не гледаме што се случува пред нашите очи!
И имајте предвид, ќе се гази демократијата, ќе се газат човековите права, но од „меѓународната заедница“ никаков притисок против тоа немојте да очекувате. Инсталирање на вазалска власт во една земја не е играчка! Скапа е цената што народите ја плаќаат во такви држави!
