Соединетите држави објавија дека испраќаат дополнителни трупи на Блискиот исток откако демонстрантите вчера упаднаа во објектот на американската амбасада во Багдад.
Тие бараат заминување на Американците, а од синоќа во близина на амбасадата се поставени 50-на шатори, јавува Ал Џезира.
По нападот на амбасадата, американскиот претседател Доналд Трамп преку Твитер објави дека Техеран се смета за „целосно одговорен“ за инцидентот и рече дека демонстрантите „ќе понесат целосна одговорност“. Сепак, по заканата дека Техеран по нападот „ќе плати многу висока цена“, на директно прашање на новинари изјави: „Дали сакам војна? Не. Сакам мир. И Иран треба да сака мир повеќе од било кого“.
Началникот на американскиот Стејт департмент, Мајк Помпео, изјави дека нападот е „организиран од терористи“, од кои еден е познат како Абу Махди ал-Мухандис.
Американскиот министер за одбрана Марк Еспер претходно изјави во изјавата дека Соединетите држави веднаш ќе испратат околу 750 војници на Блискиот исток како одговор на насилните протести пред амбасадата на САД во Багдад.
Тој прецизираше дека дополнителни војници ќе бидат распоредени во наредните денови, пренесе Ројтерс.
Објава на Американските маринци на Твитер открива дека нивните трупи од Кувајт биле испратени во Ирак.
Ова се дополнителни 750 покрај 14.000-те војници се распоредени во Заливот од мај како одговор на загриженоста од Иран и нападите врз танкерите со нафта.
Во моментот, САД имаат околу 5.200 војници во Ирак, главно одговорни за обука на ирачката војска и помагање во борбата против групата ИСИЛ.
