Украина демантира

Оштетени училници од рускиот ракетен удар во Краматорск

Министерството за одбрана на Русија денеска соопшти дека спровела „операција за одмазда“ како одговор на „криминалниот удар на режимот во Киев“ на средното училиште во Макеевка каде што беа сместени мобилизирани руски војници.

Според портпаролот на Министерството за одбрана, Игор Конашенков, руската војска извршила напади врз точките на распоредување на вооружените сили на Украина во студентските домови во Краматорск, кои беа отворени ден претходно. „Повеќе од 600 украински војници се убиени“, рече Конашенков. Вкупно, повеќе од 1.300 воен персонал на вооружените сили на Украина беа во студентските домови, изјави тој.

Претходно, украинските власти известија дека ноќта на 8 јануари, руските војници извршиле седум ракетни напади врз Краматорск, уништувајќи ги зградите на две образовни институции. Но Украина не пријави смртни случаи.

Претставникот на Источната група сили на вооружените сили на Украина, Сергеј Черевати, изјави дека информациите за 600 загинати за време на ударот во Краматорск не се точни.

„Оваа информација е вистинита колку и податокот за тоа како ги уништија сите наши ХИМАРСИ. Ова е информативна операција на Министерството за одбрана на Руската Федерација како одговор на успешните дејствија на вооружените сили на Украина да ги поразат нивните големи концентрации на персонал, нивниот состав, логистика со нашите високопрецизни системи за уништување“, рече Черевати.

Ноќта на 1 јануари, вооружените сили на Украина ја нападнаа зградата на стручното училиште бр. 19 во Макеевка, каде што се наоѓала база на руската војска. Според украинската страна, како резултат на тоа загинале околу 400 лица, а уште 300 се повредени. Министерството за одбрана на Русија извести дека загинале 89 лица.