Вицепремиерот за економски прашања Фатмир Битиќи смета дека е дојдено времето да се отвори дискусијата за потребата од увоз на работна сила,
Во гостувањето на регионалната телевизија Блумберг Адрија, Битиќи рече дека недостигот на работна сила се решава со доквалификација и преквалификација на одредена група невработени за да се прилагодат на потребите на пазарот, но оти дополнително ќе мора да се најде начин да се надополни одливот на работници, пренесува Радио слободна Европа.
„На пазарот на труд има недостиг на работна сила и мора да одговориме на тој предизвик ако сакаме да имаме забрзан економски раст“, посочи Битиќи.
Стапката на невработеност во Македонија е околу 14 отсто. Според Агенцијата за вработување, во земјава има над 113 илјади активни невработени и уште други 46 илјади луѓе кои бараат работа.
Бизнисмените, пак, долго време се жалат дека овие невработени ги немаат потребните вештини кои им се потребни.
