Термички камери регистрирале температури од над 80 степени Целзиусови во паркирани автомобили додека топлотниот бран го достигнува својот врв низ целата Грција, а максималните температури на места достигнуваат 42-43 Целзиусови степени.
Фотографиите поставени на Фејсбук страницата на EnternityGR покажуваат температури кои се движат од 66,5 до 84 степени Целзиусови во паркирани автомобили во Атина.
Термичка камера прикачена на дрон управувана од приватниот радиодифузер Skai GR забележала температури од 76,8 степени Целзиусови во автомобил вчера напладне, додека температурата на асфалтот била над 70 степени Целзиусови, пишува Катимерини.
Топлотниот бран се очекува да трае до средината на следната недела, а во копнените области температурите ќе се движат од 39 до 40 Целзиусови степени.
