Експлозија се случи денеска на гасоводот Уренгој-Помари-Ужгород што го поврзува Северо-Западен Сибир во Русија со Украина, пренесува „Ројтерс“, повикувајќи се на руското издание „РБК“.
ТАСС, повикувајќи се на итните служби, јави дека три лица загинале, а уште едно е повредено. Сите работеа на гасоводот.
Гасоводот што носи сино гориво во Европа од рускиот Арктик е изграден во 1980-тите.
Влегува во Украина преку мерното место Суја, кое во моментов е главната рута за рускиот гас до Стариот континент.
Претходно денеска рускиот гасен гигант „Гаспром“ објави дека во следните 24 часа очекува да испумпа 43 милиони кубни метри гас во Европа, токму преку – Суја.
Сличен случај имаше и пред три месеци, кога на 26 септември за неколку часа беа откриени три протекувања во „Северен тек 1“ и „Северен тек 2“.
