Еден од лидерите на организацијата Обединети Македонци од Канада Драги Стојковски со доза на иронија објавува одговор до бугарските власти кои тврдат дека македонската нација е измислена пред 77 години.
Стојковски започнува предизвик до сите Македонци да објават случаи на Македонци од пред датумот кој Бугарија го поставува како момент кога македонската нација се претворила во бугарска.
“Најдов еден „залутан“ Македонец кој постоел пред 2 август 1944 година!
Некој си Филип Трпче пловел со бродот Палатиа од Хамбург до Елис Ајланд во државата Њујорк. Според патничкиот образец се гледа дека 33 годишниот Филип пристигнал на 9 декември 1899 година и за неговата националност е пополнето Македонија, македонска.
Тоа значи дека нашиот Филип постоел цели 45 години пред Тито да го измисли на 2 август 1944 година. Да видиме сега каква лага Бугарите ќе измислат”, пишува Стојковски кој поставува предизвик до сите Македонци.
“Ајде секој ден да објавуваме барем по една ваква новооткриена објава”, апелира Стојковски кој ги дава оргиналните податоци за неговиот случај.
Terptsche, Philip
PASSENGER ID-603505140074
FRAME-46
LINE NUMBER-14
SHIP NAME-Palatia
PORT OF DEPARTURE-Hamburg
ARRIVAL DATE-December 9th, 1899
Ellis Island
