Пратеничка на ЛДП блиска на Ковачевски прозвана за легализација на вила со лажна изјава негира криминал (ВИДЕО)

Портпаролот на ВМРО – ДПМНЕ, Стоилковски ја повика пратеничката на ЛДП, Моника Зајкова да одговори дали има имот легализиран со лажна изјава.

Зајкова иако е пратеничка на ЛДП важи за идеолошки блиска на премиерот Ковачевски лидер на СДСМ.

,,Моника Зајкова, пратеник од редовите на ЛДП, верен гласач на законите на СДСМ, според анкетниот лист која што го поднела до Антикорупциска комисија, пријавила семеен имот, имот на родители, куќа од 119 м2 во село Трница, во делот на националниот парк Маврово. Стекнат на друг начин, како што стои во анкетниот лист.

Според новинарски текст, имотот на Маврово, во Трница, е криминално легализиран. Објектот кој што стои на имотниот лист на Моника Зајкова бил изграден по донесувањето на законот за легализација и со тоа е без основа за легализација. Според новинарското истражување објавено во јавноста, Зајкова поседува имот легализиран врз основа на лажна изјава, односно изјава за времето кога објектот бил граден, односно изјава со која што се тврди дека објектот бил граден пред 3-ти март 2011 –та година како основа за негова легализација.

Според ова, Зајкова, како пратеник во Парламентот е должна јавно, јасно и прецизно да одговори:

Дали поседува семејна вила во Трница, Маврово како што навела во анкетниот лист? На кој начин е стекната таа вила? Кога таа вила е изградена? Дали е легализирана согласно Законот за легализација? Дали е поднесена изјава за времето на градење со документите за легализација, изјава којашто подлежи на морална и кривична одговорност и со која што се гарантира вистинитоста на исказот?

Почитувани,

Македонија тоне во кризи, половина милион луѓе живеат со помалку од 150 денари на ден, а гласачите токму на тие штетни закони, закони што ја потонаа Македонија единствено се грижат за лични богатења и удобства. Моника Зајкова е пратеник врз којшто почива оваа антимакедонска, антинародна власт во Македонија!

Не е важно што Македонија е во криза, народот е се посиромашен, што нема за струја, и нема за леб, а и се соочува со брутална асимилација. Важно Зајкова, верен гласач на СДСМ во Парламентот, ужива во луксузи, ужива во дивоградба, сега легализирана вила на Маврово.

Ова мора да има крај!, рече портпаролот.

Во одговорот од Зајкова вели дека нема таков името на нејзино име а во исто време вели дека имотот е стекнат пред таа да стане функционер.

,,За жал ВМРО-ДПМНЕ во недостиг на политички артикулирана агенда и програма, која би била во интерес на граѓаните и на напредокот на нашата држава, продолжува со обидите преку политички дискредитации да добие некој политички поен”, вели пратеничката од редовите на ЛДП Моника Зајкова.

„Денешните напади од страна на Стоилковски против мене лично за имот кој не е моја сопственост и за кој немам никаков придонес, а притоа јасно се гледа дека е стекнат во периодот кога не сум била на избрана политичка функција, зборува само за очајноста на ДПМНЕ”, вели пратеничката Зајкова.

Видеото на Стоилковски