Македонската економија е во нокдаун!!!
Македонската Влада појма нема како да се справи со економските последици од кризата…
За само 14 месеци во Македонија изгубени се 55.199 работни места!
Оваа економска трагедија е на рангот на приватизацијата и транзицијата (која исто така СДСМ ја управуваше) во деведесетите години…
Ова го анализира екс пратеникот Илија Димовски врз основа на официјална статистика.
“Во јануари 2020 година 104.409 лица биле невработени (според владината Агенција за вработување)…
Во февруари 2021 година бројот на невработени се искачил на 159.608 лица…
Да сме сериозна држава, би се направило анализа на тоа во кои сектори и каков тип на работни места се изгубени…
Би се направило и анализа за тоа кои сектори се најдобри и би можеле со мала помош да го зголемат својот обем на вработување…
Во сериозна држава овие бројки на невработени би биле прв и најсилен индикатор за креирање на економски политики…
Овие бројки значат:
– социјални трауми на илјадници семејства;
– проблеми со исплата на кредити;
– проблеми со образование на децата во овие семејства;
– проблеми со обезбедување на скапи здравствени третмани и лекови;
– зголемен криминалитет;
– зголемена потенција за иселување на работна сила од Македонија;
– намален БДП;
– намалена наплата на даноци и други приходи во Буџетот;
– намалени приходи на Фондот за здравство и Фондот за пензиско;
– намалени (најверојатно) производство, услуги, извоз и бруто-инвестиции…
Владата е должна да прекине со:
1. Непродуктивни трошоци;
2. Криминални тендери;
3. Непродуктивни и скапи вештачки вработувања во администрацијата;
4. Расфрлање со пари од Буџетот за ефтини политички поени;
Владата е должна да:
1. Направи ребаланс на Буџетот;
2. Прекине со прекумерното непродуктивно задолжување;
3. Драстично да ги намали непродуктивни трошоци;
4. Направи реформа на пензиското и здравственото осигурување;
5. Да ги зголеми капиталните трошоци;
6. Да им помогне на компаниите кои имаат потенцијал за отворање на нови работни места;
7. Да укине најмалку 100 државни непотребни институции;
8. Да ја продолжи политиката на привлекување на странски инвестиции (спроведувана од претходната Влада);
9. Да направи реформа на политиките за трговија (увоз и извоз) на земјоделски прозиводи;
10. Да направи програма за силна поддршка на малите и средни претпријатија (фамилијарни и мали бизниси);
11. ДА СИ ПОДНЕСЕ ОСТАВКА!
П.С. Оваа Влада нема ниту знаење, ниту капацитет за да научи што значи економија, инвестиции, вработувања и работни места…
П.П.С. Ако не ја памтите транзицијата, сега ќе видите што значи економско цунами после владеење на СДСМ…”, пишува Димовски за застрашувачките состојби.
