Полскиот премиер Матеуш Моравјецки вели дека одобрение од Германија за тенковите Леопард 2 не е примарно, па дури и дека без тоа одобрение, Полска би можела да и ги достави на Украина.

САД и нивните сојузници не успеаја минатата недела да го убедат Берлин да дозволи тенковите „Леопард 2“ да бидат испратени до линијата на фронтот, а тешките тенкови Украина ги гледа како клучни за успехот во борбата против руските сили агресор.

Германската министерка за надворешни работи Аналена Баербок за француската телевизија LCI вчера изјави дека Германија нема да застане на патот на Полска да ги испрати своите тенкови Леопард 2 во Украина.

„Ќе побараме дозвола, но тоа е помалку важно. Дури и ако не добиеме дозвола (…) ние сепак ќе ги доставиме нашите тенкови во Украина заедно со другите земји“, изјави премиерот Моравјецки за новинарите.