Американскиот секретар за одбрана Лојд Остин рече дека потребите на Украина се менуваат како што природата на борбата еволуира, делумно поради тоа што фокусот е префрлен на истокот на земјата.
„Значи, (Украинците) имаат потреба од оружје со долг дострел. Слушнавме дека тие изразиле потреба од тенкови. И ние правиме се што можеме за да ги поддржиме, артилерија и муниција што ќе бидат ефективни во оваа фаза од борбата“, изјави Остин на прес конференција одржана во близина на полско-украинската граница.
Остин рече дека гледа индиции дека „многу земји ќе излезат и ќе обезбедат дополнителна муниција и хаубици“.
Тој додаде дека Украина може да победи во оваа војна доколку има соодветното оружје.
САД нема да испраќаат војници во Украина, потврдија државниот секретар Блинкен и министерот за одбрана Остин за време на посетата на Киев.
Патувањето на Блинкен и секретарот за одбрана Лојд Остин беше посета на највисоко ниво на Америка на главниот град на Украина откако Русија ја нападна кон крајот на февруари.
