Поставувањето крст на Попова Шапка е „предизборна игра“ која најверојатно е договорена помеѓу „националистички сили кои се обидуваат да ги злоупотребат верата и верските чувства во предизборен натпревар“ и да предизвикаат меѓуетнички и меѓуверски тензии, изјави денеска министерот Бујар Османи.
Ангелов: Пробајте да го срушите крстот на Попова Шапка
Тој ја прозва опозициската БЕСА која, според него, во отсуство на капацитет да понуди подобар живот на граѓаните „влегла во таков аранжман со националистичките сили“.
„Затоа доминантна тема е Бугарија и ризикот од Бугарија, има одредена албанофобија и обид да се наметне од страна на македонски политички партии и сега овој договор, најверојатно договорен настап помеѓу БЕСА, која во отсуство на капацитет да понуди подобар живот на граѓаните влегла во таков аранжман со националистичките сили од двете страни, со цел да предизвика тензија и денеска да ме прашувате што мислам јас за крстот, па јас заради мојот електорат да кажам нешто што ќе ги провоцира верниците Македонци и така да почне циклус на меѓусебни обвинувања и тензии. Тоа е целта“, оцени министерот.
Нема чесна намера во овој аранжман кој е срамен за државата. Наместо да најдеме начин како да ги отвориме поглавјата, ние влегуваме во тие теми“, рече Османи одговарајќи на новинарски прашања.
Министерот ги нарече „неодговорни политичари“ кои се обидуваат во нивната политичка кампања да ги злоупотребат верските емоции на граѓаните „кои се најдлабоки чувства“.
