Османи му одговара на Меџити: Еднаш рекоа дека Ахмети се сретнал со Груевски, потоа – не, се сретнал со Груби, а сега јас! Може ќе погодат со четвртиот!

„Еднаш рекоа дека Али Ахмети се сретнал со Никола Груевски, потоа – не, се сретнал со Артан Груби, а сега јас сум се сретнал со Груевски! Можеби со четвртиот ќе погодат!“ – напиша Бујар Османи, министерот за внатрешни работи на фејсбук.

Со оваа објава тој одговори на „јавното прашање“, кое му го упати претходно лидерот на опозициското  Демократско движење Изет Меџити, кој го праша Османи: „Дали беше во службена, или приватна посета во Будимпешта кога се сретна со Груевски?“

Пренесувајќи ја оваа „фејсбук-комуникација“ на Меџити и Османи, ТВ Алсат пишува: „Прашањето на Меџити уследи по измените, кои ги направи Владата во Казнениот закон, преку кои албанската опозиција обвинува дека е изготвена и обезбедена амнестија за поранешниот премиер Никола Груевски.“

„Никола Груевски ги демантираше овие информации.“