Околу 14.000 Македонци со адреса во Ќустендил без право на глас на евроизборите

Македонците што имаат и бугарско државјанство и се пријавени на адреса во Ќустендил, а станува збор за околу 14.000 луѓе, немаат право на глас на денешните избори за Европски парламент, јави радиото Дарик.

Причината е тоа што тие имаат постојана адреса во Општина Ќустендил, но живеат во Македонија, која не е членка на Европска унија. Со тоа, тие не ги исполнуваат условите од Изборниот законик за да учествуваат на евроизборите и се избришани од избирачкиот список.