Под холандските мочуришта преполни со ветерници се наоѓа најголемиот резерват на природен гас во Европа. Големото поле во Гронинген има доволно резервен капацитет да замени голем дел од горивото што Германија го увезуваше од Русија уште оваа зима, се вели во обемниот извештај на Блумберг.

Наместо тоа, наоѓалиштето се затвора, а Холандија ги отфрла повиците да испумпува повеќе гас, иако Европа се подготвува за можеби најлошата зима од Втората светска војна. Причината: холандските власти не сакаат да ризикуваат да предизвикаат бурни реакции кај жителите.


Од 1963 година, Гронинген е главен извор на гас за Европа. И по половина век, сè уште има резерви од околу 450 милијарди кубни метри гас што може да се извлечат – во вредност од околу 1 билион долари.

Според Шел, еден од двата главни партнери вклучени во операцијата, наоѓалиштето има потенцијал да произведува околу 50 милијарди кубни метри годишно повеќе отколку што се произведува во моментов.

Локалните жители, сепак, тврдат дека континентот треба да бара „сино гориво“ на друго место.

Вилнур Холаар (50), кој живее во Гронинген речиси две децении, сè уште е вознемирен од начинот на кој властите ја игнорираат неговата загриженост.

„Кога ја купив оваа куќа во 2004 година, таа беше палата“, вели Холаар за неговиот дом, изграден во 1926 година, со витражи и детални камени работи. Но, како и илјадници куќи во областа, таа беше оштетена од земјотресите; полно е со пукнатини, а фасадата тоне. „Мојата куќа стана руина“, вели тој.

Холандскиот министер за рударство Ханс Вилбриф рече дека е опасно да се продолжи со ископувањето, но дека земјата не може да ги игнорира страдањата во другите делови на Европа.
Недостигот на гас „може да не принуди да ја донесеме таа одлука“, вели тој, додавајќи дека би можело да биде безбедносно прашање доколку болниците, училиштата и домовите не можат да се загреат правилно.

Русија, која обезбедуваше околу една третина од увозот на природен гас во Европа пред да ја нападне Украина, го ограничи снабдувањето како одговор на санкциите. И неодамнешните експлозии долж гасоводот Северен тек ефективно го зацементираа намаленото ниво на проток кон Германија.

Дополнителниот проток, за кој Шел проценува дека би можел да биде пуштен во употреба речиси веднаш, би бил повеќе од доволен за да ги замени 46 милијарди кубним метри гас Германија увезени од Русија минатата година.

Холандските власти порача дека ако на Германија и треба повеќе моќ, побезбедна опција би била дополнително продолжување на животниот век на нејзините нуклеарни централи. Минатиот месец, Берлин одлучи дека два објекти кои се планирани за затворање ќе останат во функција и по оваа година доколку е потребно.

Комесарот за внатрешен пазар на Европската унија, Тиери Бретон, неодамна изјави дека Холандија треба да ја преиспита својата одлука за затворање на Гронинген

Премиерот Марк Руте не ја отфрли целосно можноста за користење на Гронинген за зголемување на залихите, но „само како последно средство ако сè тргне наопаку“,.

Гронинген се забележани првите слаби потреси во 1986 година. Оттогаш, се забележани уште стотици. Иако повеќето од нив не се откриваат освен со инструменти, во 2012 година покраината беше погодена од земјотрес со јачина од 3,6 степени според Рихтер, што доведе до илјадници барања за материјална штета.

Од 2014 година, холандската влада воведе построги ограничувања за производството од теренот, а производството падна од 54 милијарди кубни метри во 2013 година на очекуваните 4,5 милијарди кубни метри оваа година.

Според Институтот за оштетување, од мини во Гронинген најмалку 127.000 од околу 327.000 домови во регионот претрпеле одредена штета. Од 2012 година, повеќе од 3.300 згради се урнати во областа бидејќи земјотресите ги направиле небезбедни.

Холандската влада е обвинувана дека е бесчувствителна за жалби и среќна што добива приходи.

Гронинген донесе вкупен профит од 428 милијарди евра (422 милијарди долари), од кои холандската држава добила 363,7 милијарди евра во изминатите 60 години, според весникот Het financiele dagblad, пренбесе Блунмерг.