Вработена во МВР денеска, нешто по 12 часот, со бомба се заканувала на новиот директор пред пријавницата на затворот „Шутка“.
Од МВР потврдија дека имало вербален инцидент и дека, по упатените закани, жената си заминала. Таа била идентификивана и се преземаат мерки за расчистување на случајот.
Директорот на КПУ„Затвор Скопје“, Есад Рахиќ, кој деновиве ја презеде оваа функција не знае која е причината за денешниот инцидент пред затворот кога жена се заканувала со бомба кон него како директор на установата.
-Тоа што го знаете Вие, го знам и јас. Полицијата е запознаена и се што треба да се знае побарајте од нив. Можам да кажам дека дотичната се заканувала на директорот на затворот, но од кои причини – не знам,“ изјави Рахиж кој вели дека не ја познава жената, јави 24 Инфо.
