Гази Баба ќ треба да исплати 1,5 милиони евра кон Скопски саем по основ на судска пресуда од страна на сега веќе непостоечкиот Скопски саем.
На некогашниот Скопки саем се одржуваа многубројни манифестации кои беа значајни за градот-беше симбол на метрополата, а локацијата сега е целосно комерцијализирана во трговско-станбен комплекс.
Скопје пред банкрот, советници ќе побараат итна седница
Актуалниот градоначалник на општина Гази Баба, Бобан Стефковски за ТВ24 потврдува дека наплатата на оваа сума ќе биде удар за општинската каса.
„Судската постапка не е завршена за општина Гази Баба. Сметката на општината не е блокирана, но не’ чека иста судбина како и Град Скопје – ќе треба да исплатиме 1,5 милиони евра кон инвеститорот. Веќе правиме анализи и пресметки за можно плаќање на долгот на рати“- вели Стефковски за ТВ 24.
Посочува дека претходното раководство на Гази Баба ја раскинало градежната дозвола со инвеститорот, но не ги вратило уплатените пари за комуналии.
Екс градоначалникот Борче Ѓеоргиевски ги негира обвинувањата.
И Градот Скопје му должи по основ на судска пресуда на Скопски саем, но градската сметка не е блокирана, тврди градоначалничката Данела Арсовска.
„Точно е дека почна исплата на милионски суми кон Скопки саем по основ на долг кој е наследен од претходните градоначалници – вели за ТВ24 градоначалничката Арсовска.
Според неа, од вкупниот долг во износ од 2 милиони евра, сега се исплаќаат половина милион евра.
