Во последните десет години населението во Бугарија се намалило за 590 илјади луѓе, изјави заменик-министерот за труд и социјална политика Иван Крстев на дебата организирана од фондациите „Солидарно општество“ и „Фридрих Еберт“.
Во истиот период бројот на сиромашни пензионери се зголемил за 128 илјади, а на сиромашните деца за над 17 илјади.
Според Крстев, во земјата нема соодветна политика за социјална заштита на најранливите – пензионерите и децата, додавајќи дека од 2010 до 2020 година месечната помош за одгледување дете се зголемила само за 5 лева (околу 300 денари – н.з.).
На форумот беше изнесен податокот дека 1,6 милиони Бугари (од 6,927 милиони во 2020 година според Светската банка) се под прагот на сиромаштијата, а речиси половина милион или 29 проценти од вработените во државата добиваат минимална плата.
