Професорката Мирјана Најчевска реагира на оценката на лидерот на Демократското движење, Изет Меџити, за изјавите на премиерот Димитар Ковачевски и на српскиот претседател Александар Вучиќ во Атина, по тензиите што ги создаде српскиот министер за одбрана на Србија, Милош Вучевиќ. Според Меџити,„Вучиќ ја вклучил Македонија во „српскиот свет“, а премиерот Ковачевски докажал дека се потчинил на Србија“.
На ова Најчевска со прашање:
„Значи добро е Македонија да се потчини на Бугарија, ама не е добро да се потчини на Србија?
Интересен став.
А, да пробаме со еден поинаков став, Македонија да не се потчинува никому?
И посебно не на држави кои по сите параметри никако не може да бидат модел за Македонија, како што се Бугарија и Србија и секако Косово“- пишува Најчевска на Фејсбук.
