Наградуваниот македонски карикатурист Јордан Поп Илиев ја откри тајната порака која министерот за надворешни работи Бујар Османи ја прати преку цртежите на табла.
Во специјална карикатура со која Поп – Илиев го коментира перформансот на Османи тој дава ироничен приказ за позицијата на Османи.
На карикатурата се прикажани скалила кои Османи ги изминал на патот до ЕУ но пред него има едно огромно скалило кое е превисоко за министерот.
Од карикатурата не може да се заклучи дали причината за високото скалило се високите критериуми на ЕУ или малиот чекор на Османи.
Поп Илиев е еден од најдобрите и најнаградувани македонски карикатуристи.
Последната награда ја доби на натпревар во историскиот град Петра во Јордан.
,,Со оглед дека не бев во можност да присуствувам на церемонијате на доделувањето на наградата во Петра-Јордан, преку турските колеги засега преку електронски пат го добив известувањето,за кое им благодарам .
Се надевам дека поштенската пратка ќе стигне до Скопје”, објави карикатурист за последната награда.
