Претставници на западните земји ја напуштија конференцијата на ОН за разоружување во Женева кога рускиот министер за надворешни работи Сергеј Лавров требаше да се обрати преку видео врска.
На видеото објавено од француската делегација се гледа како десетици официјални лица ја напуштаат салата додека Лавров го започнува своето обраќање.
„Излегувањето на членките на ЕУ и нејзините партнери за време на изјавата на министерот Лавров на Конференцијата за разоружување утринава е за да ја покажеме нашата поддршка за Украина“, се вели во твитот.
