Бојан Миовски беше најдобриот играч на Абердин во полуфиналето на фудбалскиот Лига куп на Шкотска во Глазгов, но неговиот гол за водство од 1:0 во 41. минута се покажа недоволен за избегнување на поразот од 2:1 против Ренџерс по продолженијата.
Македонскиот репрезентативец погоди и претходно во 17. минута, но по прегледувањето на снимката на ВАР беше поништен поради офсајд.
Домаќинот израмни во 61. минута преку Кларк, а во третата минута од судиското дополнување на времето беше исклучен Стјуарт, па дополнителните 2×15 минути по нерешените 1:1 во основниот дел гостите играа со играч помалку, згора и Миовски беше заменет за да се зацврсти одбраната. Ренџерс погоди во 94. минута преку Руф за победа и дуел во финалето со Селтик.
За 23-годишниот македонски напаѓач ова е 13. гол за Абердин сезонава, вклучувајќи ги и 11. погодоци во шкотката Премиер лига, со кои го дели третото место на листата на стрелците.
