Поранешниот прв човек на Фондацијата отворено општество, Владимир Милчин, во гостување во емисијата „Само интервју“ на Канал 5 изјави дека има апсолутно право да не го употребува новото име на државата.
Милчин додаде дека и граѓаните немаат никаква обврска при говорење да го изговараат новото име на државата.
„Новото име е вештачко и тешко фаќа корени“, нагласи Милчин.
Според него како и новото име, така и компромисите со Бугарија се тешки за да се изџвакаат, и граѓаните нема да ги прифатат.
„Нема да поминат и компромисите со Бугарија, нема да може власта да ги спроведе. И најтрпеливите народи имаат праг, власта треба да знае“,– заклучи тој.
