Лидерот на ВМРО-ДПМНЕ, Христијан Мицкоски, на ФФејсбук го коментираше присуството на пратениците болни од коронавирус во Собранието.

„Ова во Собрание е тероризам, а не 27 април! Кога законите и правилата не важат за власта. Медиумите пишуваа дека човек почина затоа што немало брза помош, а денес за аздисот на власта и пратеничката има. Крајот брзо ќе им се случи, а ќе има и кривични пријави и одговорност за кршењето на протоколите, законите и Уставот!“, напиша Мицкоски на социјалните мрежи.

„Одговорност мора да има за сите – од лицата кои ги пропуштиле да влезат во Собранието и да го загрозат здравјето на сите, до Талат Џафери, кој дозволил нивно гласање, иако истите имаат решение за изолација и не смеат да го напуштаат домот, и да го посетуваат работното место“, се вели во реакцијата на ВМРО-ДПМНЕ.

Мицкоски го прозва и шефот на државата Стево Пендаровски да неги потпишува законите донесени под овие услови и на денешната 32 седница.