Бура од реакции од граѓаните кои на големо се жалат дека маалските продавници не ја почитуваат мерката на Владата за загарантирани цени, односно тие да се намалат за 10%. Велат дека производите се продаваат по високи цени без оглед за кој производ станува збор. Бараат поголеми понтроли од државата.
„Во малите продавници цените се најскапи. Кај големите се пониски“. „Не сум ги посетил последниве два или три дена, но не верувам дека има поевтинувања. Големите маркети се поевтини, овие малите се поскапи…“, реагираат граѓаните.
„Никаде, никаде не видовме. Еден ден пред тоа ги покачија цените за потоа следниот ден да ги намалат малку. Нема контроли, нема инспекции. Нека им ги затворат продавниците еден ден, па нека ги поскапуваат цените повторно. Трговецот треба да заработи 10%, а не 100%. Овде има производи кои се 200%“, реагираат граѓаните.
