36-годишната Ивана А., признала дека лажно се претставувала и по ресторани и кафеани си нарачувала во име на Општина Ѓорче Петров и на градоначалникот, Александар Стојкоски, дознава „Република“.

„На 16.12.2022 во Полициската станица Ѓорче Петров бил извршен службен разговор со И.А.(36) од Скопје.

Таа се сомничи дека лажно се претставувала како вработена во општина Ѓорче Петров и од повеќе угостителски објекти нарачувала храна во име на фирми со кои наводно соработувала општината.

Во разговорот таа го признала делото. По целосно документирање на случајот против неа ќе биде поднесена соодветна пријава“, информираа од МВР.