Кинеската политика за нулта ковид доведе до делумно затворање на фабриката Foxconn, предизвикувајќи големи проблеми во производството на iPhone.
Речиси сите iPhone-и се произведени во Кина – 95%, поточно – и 80% од телефоните се собрани во една фабрика на Foxconn во Женгжу. Колку овој вид централизација на производството може да биде проблематичен најдобро покажува делумното затворање на фабриката поради кинеската политика на нулта КОВИД.
Apple официјално предупреди дека исполнувањето на целите за производство ќе биде тешко во следните неколку месеци бидејќи фабриката работи со намален капацитет, што најмногу ќе влијае на телефоните iPhone 14 Pro и iPhone 14 Pro Max. Технолошкиот гигант никогаш јавно не зборувал за вакви работи.
За да избегне такви ситуации во иднина, Foxconn планира четирикратно да ја зголеми работната сила во своите фабрики во Индија, тврдат извори од локалната власт кои разговарале за Reuters. Со тоа бројот на работници од сегашните 17.000 ќе се зголеми на 70.000.
За оваа експанзија ќе бидат потребни две години, така што нема шанси да ја реши актуелната криза, но најновиот развој може да ги забрза плановите на Apple да ја намали зависноста од Кина за да спречи оваа ситуација да се повтори.
Аналитичарите на JP Morgan тврдат дека производството на дури 25% од iPhone уредите може да се пресели во Индија до 2025 година, а Apple веќе произведува iPhone 14 телефони во оваа земја од септември, што претставува прв пат овој гигант да ги склопува своите водечки уреди надвор од Кина.
