Кредитите не се доволни, на удар и ДДВ

Најавите од Владата се дека во наредниот период цените ќе растат, примањата ќе се намалуваат а според најавите се очекува и зголемување на ДДВ и персоналниот данок.

Министерот за финансии, Фатмир Бесими, во емисијата „Економски магазин“ на Алсат, директно запрашан кога општините може да очекуваат повеќе пари, одговори дека Владата има план за зголемување на даноците, вклучително и ДДВ, но и персоналниот данок.

Според Бесими, ова ќе започне да се реализира од 2022 година, за да продолжи во 2023, 2024 година и во зависност од процентот во 2025 година.

– Ако има зголемување на даноците, и на ДДВ и на персонален данок, што ќе произлезе од анализата, имаме некои проценки. Заедницата за локална самоуправа (ЗЕЛС) има неколку проценки за нив, како и за работната група што е формирана во владата, во која членуваат ЗЕЛС, Министерството за локална самоуправа, Министерството за финансии, Министерството за политички систем и други оддели, тие имаат заеднички точки, всушност ќе се појави предлог за кој ќе разговараме поконкретно на ниво на бројки и динамика, рече Бесими, пренесува Радио Лидер.

Министерот Бесими денеска ја дообјаснува целата изјава. Според него нема да има промена на стапката на ДДВ.

Недоразбирање

Бесими дообјаснува, нема зголемување на ДДВ туку поголем удел во ДДВ од општините