Замрзнатите цени на основните прехранбени продукти што ДУИ и Ковачевски го прикажуваа како голем економски и социјален успех биле само “купи ден- помини влада“ , реагираат од ВМРО-ДПМНЕ.
Ако човек сака да биде саркастичен ќе каже дека се што е убаво кратко трае, па така веќе и замрзнатите макарони на Ковачевски“, велат од опозициската партија.
„Но што да се очекува од владини функционери со 78 % повисоки плати, кои немаат абер да ги намалат во оваа криза. Сигурно сега со поголеми плати производите им се гледаат поевтини. Со ова се потврдува народната мудрост која во случајов е дека ситата влада не го верува гладниот народ.
Впрочем ценовниот шок на граѓаните трае веќе подолго време, и замрзнувањето на цените донекаде беше задоцнето, бидејќи цените на производите веќе беа отидени до “таван“.
Високите цени, значат високи даноци, а високите даноци значи полнење на буџетот, кој потоа се троши за местени тендери, сомнителни зделки и лични бенефити на функционерите на ДУИ и СДС.
Но, ако веќе замрзнатите цени на основните производи значеа какво такво помало гајле за народот, тогаш оваа мерка треба да биде продолжена. Не може владата да пролонгира кризи, а да укинува антикризни мерки кога се работи за интересот на граѓаните. Не може народот од свој џеб да ги плаќа грешките и криминалите на власта“, велат во соопштението од партијата.
