Новиот лидер на СДСМ Димитар Ковачевски освоил над 20 илјади гласа помалку од тие што пред 9 месеци ги освоил премиерот Заев на изборите за лидер на партијата на власт.
Oд вкупно запишани во избирачкиот список 68.990 активно регистрирани членови, излезноста на првите непосредни внатрепартиски избори во СДСМ во март беше 90%.
Согласно резултатите од 237 избирачки места тогаш за кандидатот Зоран Заев гласале 59.240 гласачи, 865 биле против а имало вкупно 277 неважечки ливчиња.
Според неофицијалните партиски резултати вечерва Ковачевски освоил 37.649 гласа или околу 22 илјади гласа помалку од Заев пред само 9 месеци.
Денеска Јован Деспотовски освоил 3.319 гласови, а Фросина Ременски 2.836 гласа.
Според овие резултати бројот на членови на СДСМ што гласале за избор на нов лидер е намален за речиси 25 илјади.
Околу 35 илјади од вкупното регистрирано членство не гласало на денешните избори.
Expres.mk не можеше да дојде до бројката на поништени гласачки ливчиња на изборите во СДСМ.
https://www.facebook.com/tv21hd/videos/214988044152132/
